ابتسم زى العبيط ..!

عمرك رحت للدكتور و كنت تعبان و بعد ما خلص كشف

راح ( حاطط إيده على كتفك ) و قال لك :

يابني انت سليم , ما عندكش حاجة عضوية

الألم اللي عندك ده ( نفسي ) !!

تا تا تا تااااااااااااا

عموما لو ما حصلكش , فيه ناس تانية حصل لهم

المهم يعني , عمرك سمعت عن مرض عضوي كان أصله نفسي ؟؟
أكيد سمعت ..

طيب عمرك سمعت عن العكس ؟؟

إن وضعك العضوي ,المادي , الملموس ممكن يأثر على حالتك النفسية ؟؟

طبعا هتقول لي : إزاي ؟؟

هقول لك يا سيدي :

ارجع بالكرسي اللي انت عليه لورا شوية ..
اثني ظهرك
..
ضع كوعك على رجلك ..
ضع خدك على إيدك ..(وركز)
انظر للأرض ..

هاه .. حاسس بإيه
دلوقتي ؟؟

أكيد افتكرت موقف وحش ,

أو مشكلة قديمة ( هفّت عليك ) ,

أو جالك إحساس وحش أو .... إلخ,

صح ؟؟

طيب دلوقتي نجرب حاجة تانية ,

رجع ظهرك لورا ,

افرد ظهرك ,

انظر لأعلى بزاوية 45 - و ما تسألش ليه -

ارسم ابتسامة عريضة بشفايفك ..

ياعم ارسمها و خلاص ,

هاه , جاهز ؟؟

دلوقتي افتكر أي موقف وحش في حياة جنابك الكئيبة ...

لا لا , سيب الوضع و الابتسامة و كل حاجة زي ما هي,

.
.
.

لعملية مش نافعة , صح ؟؟

لييييييييييييييه ؟؟

لأن جسمك في وضع ( إيجابي ) ,
يعني في الوضع اللي عادة بيكون فيه بيفكر فيه تفكير إيجابي ,
فمش قادر يفكر تفكير سلبي ,

علشان كده هيئتك و وضعك المادي المحسوس ده ممكن جدا يأثر في حالتك النفسية ,

و فيه مقوله عاجباني جدا للإمام الشافعي بيقول فيها :

( من نظف ثوبه قلَّ همّه , و من طاب ريحه زاد عقله ) ,

تخيل نفسك كده ( واخد دُش ) و لابس (الحتة اللي على الحبل) و

الهدوم مكوية

و نظيفة و آخر تمام , و حاطط برفا - و آخر جمال ,

تخيل نفسك في الوضع ده و شوف تفكيرك و تعاملك و حياتك هتكون

إزاي ؟؟

و تخيل نفسك العكس برضه ,

أكيد أكيد وضع جسمك و هدومك و جلستك و مشيتك و ..... إلخ ,

كل الحاجات دي بتأثر على حالتك النفسية و على ( دماغ جنابك العالي ) ,

علشان كد لما تلاقي نفسك داخل على نوبة اكتئاب و لا حاجة ,

لازم ( تلبي نداء الطشت ) و تقوم تستحمى ,

هههههههههههههههه

و تلبس نظيف و تسرح شعرك و تحط برفا و تظبط نفسك كده ,

أو على الأقل تعدل من طريقة جلوسك و تبص للسقف و تبتسم زي

العبيط كده , و كله هيتظبط تظبيط ,

وصدقونى انا جربتهاا عملت مفعول جباااار

بس خلاص ,

رجع ظهرك لورا و إلزق ابتسامه على وشك ,

و شوف إن كنت هتعلّق ع الموضوع و لا هتقفل ,

و لا شوف انت رايح فين بالظبط .

سلام

انت مش محتاج تبتسم يا بيبو عشان تبقى عبيط

موضوع جامد تسلم

هههههههههههه

يسلمو

تسمن يا حماصة عالمرور

تسلمي ملكة لمروركـ
منورة التوبيكـ

تسلم

» ابتسم ....أنت في دولةعربية