حلم اّيل للسقوط

على عتبات الطلل البالى [ندعوك للتسجيل في المنتدى أو التعريف بنفسك لمعاينة هذه الصورة]

للدار الوسعة اللى احتضنت

أطفال قريتنا

واللى انطرحت ع الارض

ضحية لقانون المالك والمستأ جر

سفحت عينى حفنة دمع

ولقيتنى بأدى تحية للعلم

اللى اتحول بساريه لأكوام من ردم

(تحيا الجمهورية العربية المتحدة )

(تحيا الأمة العربية )

ولقيتك لساك متعلق بخريطة

على حيطة سنة خامسة

هى الحيطة البالية الاّيلة

لسقوط الجدر الساكن جوانا

والجنى المارد الساكن جواك

بصوابعه العشرة والواحد

بيدعبس بخريطة تضاريسك

بيشتت خطة أفكارك

بيغير ف خطوط الطول والعرض

بيدنس فيك العرض

وانت بهبلك وبخيبة أملك

وبقلة حيلتك

راقد مسترخى بتستمتع

عامل ايه .. قال مش واخد بالك

ياقليل الحيلة ..يامطاطى الراس

يا وصيف الوسواس الخناس

يا تشد الحيل وتهز كيان الويل

وتورى عدوك شمسه ف عز الليل

يا تبيع اولادك وتسيبهم ف الأرض

عبيد..مرتزقة لحلف الناتو

.........

الله عليك جميله جدا يا عادل

و مرحبا بك معنا فى المنتدى يا عادل ومنورنى ومنور المنتدى كله بوجودك واطلالتك

يسلمو حلوه كتير

تسلم