الرئيسيةس .و .جبحـثالأعضاءالمجموعاتالتسجيلدخول

سبحان الله وبحمده ، عدد خلقه ، ورضى نفسه ،
وزنة عرشه ، ومداد كلماته

شاطر | 
 

 بقولكم مشيت معاها اتجوزها ازاي

اذهب الى الأسفل 
كاتب الموضوعرسالة
حفيد الفراعنة
ღ♥ღعضو جديدღ♥ღ
avatar

نقاط : 42
التقييم : 11

مُساهمةموضوع: بقولكم مشيت معاها اتجوزها ازاي   الجمعة أبريل 16, 2010 12:31 pm

بسم الله الرحمن الرحيم


------------------

السؤال انت بتحبها؟

اه


طب لية بتقول انك مش هينفع تتجوزها لو كملتوا مع بعض؟

لان ماينفعش اتجوز واحدة مشيت معاها في يوم ..

مشيت هنا بمعنى ارتبطت ..

طب وفيها اية مش انتو الاتنين بتحبو بعض ..


اه

طب اية المشكلة انك تتجوزها ..

انها سمحت لنفسها تكلم واحد وتخرج معاه وتحبة وكدا ..

مش اللى بتخرج معاه وبتحبة وبتكلمه دا يبقي انت ..

وانا اعرف منين انها مش هتقول كدا لاى واحد تانى ..

مش هتقول كدا لاى واحد تانى لانها بتقولك انت وبتحبك انت ..

حتى لو ... كفاية انها عملت كدا ..

طب ده هيا بتعمل كدا وعلاقتكم ببعض محترمة جدا....امال لو كنت غلطت معاها كنت هتقول اية

واحد تانى رد - نعم ..غلطت معاها دى ماعرفهاش تانى اصلا واستحاله افكر انى اتجوزها لانها ممكن تغلتط مع حد ..


تانى يبقي ازاى اتجوزها ..

اولا هيا غلطت معاك انت مش مع حد تانى ثاني ..

ثانيا هيا عملت كدا عشان بتحبك انت مش بتحب حد تانى ولو مش بتحبك عمرها ماكانت عملت كدا ..


وانت كمان (للاولانى) تقدر تقولى اية المشكلة انها تكلمك وتحبك ..

المشكلة انها بكدا مش محترمة ومتستاهلش تكون مراتي لانها سمحت لنفسها تحب واحد وتكلمو وتخرج معاه ..

ومفيش -اى حاجة رسمية مابينهم ..

طب يبني ما هو لازم ترتبط باللى ناوى تتجوزها عشان تعرفو بعض كويس قبل مايكون فية بينكم اى حاجة رسمية ..

امال انت ناوى تتجوز ازاى ..

لا انا يوم ما هتجوز عمرى ما اتجوز واحدة مشيت معاها في يوم ..

معنى كدا انك هتتجوز جواز صالونات ماما تشوفلك بنت كويسة وبنت ناس وانت تقوم رايح تقعد في الصالون وتطلب ..

-ايد البطيخة المقفولة اللى ماتعرفش هيا بنت ناس فعلا ولا لا وممكن تكون كانت مرتبطة زيك قبل كدا وكمان ..

متعرفش اذا كانت شخصيتها تنفعلك ولا لا ..


طبعا مش كل الشباب كدا ..


.. انا من وجهه نظري في الموضوع ده ..

ان لو حد ربنا رزقه بواحده بتحبه اوي يصونها ويتقي ربنا فيها ويحافظ عليها وبلاش يبعد عنها ويجرحها ..

مايحاسبهاش ع الماضي اللي حصل قبل ماتعرفه المهم بعد ماعرفته هيا بقت ايه وتصرفاتها بقت ازاي ..

يمكن ربنا بعته ليها عشان تتغير للافضل واحنا بشر مش ملايكه او رسل عشان نبقى معصومين من الغلط ..

متعرفش مش يمكن لما تسيبها عشان فاكر انها مش محترمه وبتعتبرها كده من منظورك ممكن البنت تتجرح وتتعذب ..

وربنا يوقعك في شر اعمالك وفي البنت اللي تكسر قلبك وتشوه سمعتك ويكون انتقام من ربنا عشان ياخد بحق البنت ..

اللي انت جرحتها وكسرت قلبها ..


في رائي اللي بيفكر بالطريقه السلبيه دي ويقول مش هتجوز واحده مشيت معاها ده اكبر مغفل ..

لان حتى لو عرف غيرها هيا هتكون بنت طبيعيه زيها مش هتلاقيها يعني مكتوب على جبينها الطاهره الشريفه ..

العفيفه ..

ماهي اغلب البنات بتمشي وتتعرف وتقابل وتحب ماهو لو كل بنت قالت مش هخرج ولا هتعرف يبقى مش ..

هيتجوزوا الشباب وهتبقى انانيه من البنت


والشاب لاهيطول ابيض ولا اسود وهيبقى قدامه 100 سنه عشان يتجوز ماهو لو كل حاجه ميسرة للشباب ..

وسهله والفلوس موجوده والشقه جاهزة محدش كان هيمشي كل ده وكان هيمشي بما يرضي الله ..

وكل حاجه على المكشوف وواضحه والاهل عارفين كل حاجه بس الظروف اللي حكمت بده ..

معتقدش ان البنت اللي تضحي بسمعتها وتعصي ربها عشان شاب كل ذنبها انها حبته ومستحملاه تستاهل كل ..

الجرح ده


انا قولت رائي بصراحه ومستني ردكوا وان شاء الله يعجبكم الموضوع


------------------------
والله المستعان
------------------------
الرجوع الى أعلى الصفحة اذهب الى الأسفل
 
بقولكم مشيت معاها اتجوزها ازاي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
m a g i c s i t e :: .. المنتديات العامة .. :: المنتدي العام-
انتقل الى: