الرئيسيةس .و .جبحـثالأعضاءالمجموعاتالتسجيلدخول

سبحان الله وبحمده ، عدد خلقه ، ورضى نفسه ،
وزنة عرشه ، ومداد كلماته

شاطر | 
 

 تتجوزيني ؟

اذهب الى الأسفل 
كاتب الموضوعرسالة
lola
ღ♥ღ بـونـــبــونـايـه الــمــــنـــتــدى ღ♥ღ
ღ♥ღ بـونـــبــونـايـه الــمــــنـــتــدى ღ♥ღ
avatar

نقاط : 74
التقييم : 0

مُساهمةموضوع: تتجوزيني ؟   الخميس أكتوبر 22, 2009 10:28 pm

تتجوزيني ؟ -

ـ أفندم ؟

ـ بقولك تتجوزيني ؟

ـ ؟؟؟

ـ تتجوزيني ؟

ـ لأ

ـ ليه ؟

ـ بصراحة كدة شكلك مش عاجبني

ـ إزاي يعني ؟

ـ يعني .. أصل أنا ليا مواصفات معينة لفارس أحلامي

ـ مواصفات معينة ؟ .. هو انتي هتتجوزي عربية؟

ـ لأ ! .. بصراحة كده .. إنت مش فارس أحلامي اللي باتمناه

***********************************
ـ تتجوزيني ؟

ـ إيه ده ؟ شكلك اتغير

ـ إيه رأيك ؟

ـ واو .. شعرك بقة ناعم ! .. دي باروكة ؟

ـ أيوة

ـ ودي عدسات خضراء ؟

ـ أيوة

ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج

ـ مين عباس كيج ده ؟

ـ عباس ؟!! ياي .. إيه عباس دي ؟ اسمه نيكولاس

ـ مين نيكولاس ده ؟

ـ بقة مالكشي في السيما وجاي تكلمني ؟ .. ياي

***********************************

ـ تتجوزيني ؟

ـ انت لسه ليك عين تكلمني ؟

ـ أيوة .. أنا عرفت مين بنكرياس كيج ده

ـ أولاً : اسمه نيكولاس كيج

ـ أيوة أيوة .. كنت هاقول اسمه صح .. بس اختصرته .. ده ممثل

ـ ممثل إيه ؟

ـ ممثل أمريكاوي

ـ أمريكاوي ؟! .. إخّييي ! .. اسمه أميريكان يا بابا .. ما تبقاش دونكي

ـ دونكي دي تبقى شتيمة ؟

ـ أوف كورس

***********************************

ـ تتجوزيني ؟

ـ عندك عربية موديل كام ؟

ـ موديل دي تبقى شتيمة ؟

***********************************
ـ تتجوزيني ؟

ـ قوللي الأول .. حاطط أنهي نغمة في الموبايل بتاعك ؟

ـ نغمة دي تبقى شتيمة ؟

***********************************
ـ تتجوزيني ؟

ـ ما قلتليش .. إنت بتشتغل إيه ؟

ـ أنا -بلا فخر- عاطل

ـ عاطل ؟ .. ياي

ـ مش أحسن من اللي ما بيشتغلش ؟

ـ لا

ـ يعني مش هتتجوزيني ؟

ـ لا

ـ كدة أنا أزعل

ـ ما تزعلش يا بابا .. خليك فريش

ـ ماشي .. ماشي .. بس قوليلي

ـ إيه ؟

ـ فريش دي تبقى شتيمة ؟

***********************************
ـ تتجوزيني ؟

ـ لقيت شغل ؟

ـ أيوة طبعًا .. سنتين وأنا بادور .. أخيرًا لقيت

ـ وإيه هو ؟

ـ سواق تاكسي

ـ ياي ! .. مش مكسوف وانت بتقولها ؟

ـ فيها إيه ؟ العمل شرف .. وكلها كام سنة وأجمع مبلغ كويس

ـ شرف ؟ جتك القف

***********************************
ـ تتجوزيني ؟

ـ جمعت مبلغ كويس ؟

ـ طبعًا .. مبلغ كبير جداً

ـ قد إيه يعني ؟

ـ ألف جنيه

ـ نعم ؟!!! .. ألف جنيه دول تروح تسرح بيهم ببطاطا

ـ يعني موافقة ؟

ـ روح اتنيّل

***********************************

ـ تتجوزيني ؟

ـ عندك شقة ؟

ـ طبعًا .. أوضة على السطوح

ـ نعم ؟

ـ إيه المشكلة ؟! .. أحسن ما ننام في الشارع

ـ في الشارع ؟! .. إيه الألفاظ السوقية دي ؟ ياي ! .. لازم يا بابا

تجيب شقة

ـ طيب .. كلها كام سنة وأجيبلك أحسن شقة في الدنيا

ـ وهتجيبها في جاردن سيتي ولا في الزمالك ؟

ـ لا .. في الأهلي .. هيهع هيهع هيهع

وعشان تكمل ضحك رود بأ يا حلو

( بعد سنوات)

ـ تتجوزيني ؟

ـ جبت الشقة ؟

ـ أيوة .. الحكومة بتبني شقق للشباب وأنا خدت شقة .. صحيح

إنها اتأخرت لسبع سنوات .. لكن المهم إنها جات

ـ فانتاستيك

ـ بس الشقة ناقصة حاجة

ـ إيه هي ؟

ـ مفيهاش حمام

ـ امشي من قدامي ! .. مش طايقاك

***********************************

ـ تتجوزيني ؟

ـ إنت تاني ؟

ـ جبتلك حمّام إنما إيه

ـ خليه ينفعك

ـ ليه بس ؟ .. ده ينفع لينا احنا الاتنين

ـ وأنا مالي ؟

ـ مش عاجبك .. مش مشكلة .. أكتبه باسمك

***********************************
(بعد سنين)

ـ هتتجوزيني ولا أولع فيكي ؟

ـ ومالك محروق كدة ؟

ـ حكايتنا طولت قوي .. طولت أكتر من اللازم

ـ أوكي .. بس ممكن أعرف حاجة ؟

ـ إيه ؟

ـ إنت ليه متمسك بيا أوي كدة ؟

ـ أصل .. أصل

ـ أصل إيه ؟

ـ أصل أنا بحُبك

(بضم الحاء)

ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) بعدين

خليك روش وقول

I love you

ـ ماشي .. بس قوليلي

ـ نعم ؟

ـ روش دي تبقى شتيمة ؟

***********************************

ـ تتجوزيني ؟

ـ بصراحة .. في حاجة كنت عاوزة أقولهالك من زمااااااان

ـ إيه ؟

ـ أنا بصراحة .. مش شايفة إن في حد في العالم يستاهلني

ـ يا سلام ! .. ليه ؟


ـ عشان أنا جميلة .. خفيفة الدم .. رشيقة .. رقيقة

ـ رقيقة ؟! .. ده انت بدأتي تقشفي

ـ فشر

ـ فوقي لنفسك .. العمر بيجري

ـ أنا مصرة على رأيي

ـ يعني إيه ؟

ـ يعني اقطع معايا

ـ بعد كل السنين دي ؟! .. بعد كل الحب ده ؟

بلاش تراجيديا من فضلك -

ـ ماشي .. بس قبل ما أمشي عاوز أسألك سؤال واحد بس

ـ إيه هو ؟

ـ تراجيديا دي تبقى شتيمة ؟

***********************************

( بعد سنوات )

ـ تتجوشيني ؟

ـ إيه ؟

ـ تتجوشييينييييييي ؟

ـ إنت مين ؟

ـ أنا حبيبك يا هبلة .. البشي النضارة عشان تشوفيني

ـ طيب شاعدني عشان ألاقي النضارة

ـ آهي على الترابيزة قدامك

ـ فين ؟


ـ لا دي نظارتي أنا


ـ أيوة لقيتها


ـ البشيها بقة

ـ ططييبب

ـ عينيكي فوق شوية .. ده بقك

ـ مش شامعة

ـ بـ .. قوللـ .. كوح .. كوح .. بقولك .. تـ .. تـ .. كوح .. كوح

تتجوشيـ .. ؟ كوح .. كوح

ـ أجوش مين ؟

ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ

ش .. كوح كوح كيح .. ميـ .. كوح .. مين ؟

ـ إيه ؟

ـ لا .. كوح .. أبدًا .. كوح .. كنت … كح كح .. بأكح

ـ كنت بتكح ؟!!!! .. شلامتك .. ما قلتليش ليه ؟

ـ هو .. كوح .. إنتي .. لشة .. عارفـ .. ـة .. كوح كوح

ـ بتقول إيه ؟

ـ يا .. ولية .. كوح كوح .. ردي .. كوح كوح .. عليا .. تـ .. تـ .. جو

شيـ .. كوح كوح كوح كوح .. نـي ؟

ـ أجوشك ؟!! .. طب بش خد الدوا الأول


ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح

كوح كوح .. ـني ؟

ـ أيوة يا حاج .. موافقة

موافقة إنك تتكوشني ..أخيـ….كوح كوح ..راااااً !! .. كوح كوح -

كدة أموت .. كوح كوح .. وأنا .. كوح .. مطمئن ومرتاح .. الودااا ..
كوح ..ع ع ع ع

ـ يا حاج .. يا حاج

لااااااااااااااااااااااااااااا

-------------------------------------------------------
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
Under Taker
حـــا نـــوتــى الـــمــنتــدى
حـــا نـــوتــى  الـــمــنتــدى
avatar

نقاط : 1504
التقييم : 3

مُساهمةموضوع: رد: تتجوزيني ؟   الخميس أكتوبر 22, 2009 10:32 pm

هههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههه

يا نهاااااااااااااااااااااااااااااااااااااااااااااااااااااااااااااااااار

هههههههههههههههههههههههههههههههههههههههههههههه
ههههههههههههههههههههههههههههههههههه


وربنا هموت من الضحك يخرب عقلك يا لولا

هههههههههههههههههههههههههههههههههههههههههههههههههههههههههههه

دايما متميزه يا قمر


-------------------------------------------------------


[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]



الرجوع الى أعلى الصفحة اذهب الى الأسفل
lola
ღ♥ღ بـونـــبــونـايـه الــمــــنـــتــدى ღ♥ღ
ღ♥ღ بـونـــبــونـايـه الــمــــنـــتــدى ღ♥ღ
avatar

نقاط : 74
التقييم : 0

مُساهمةموضوع: رد: تتجوزيني ؟   الجمعة أكتوبر 23, 2009 1:25 am

Admin كتب:
هههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههه

يا نهاااااااااااااااااااااااااااااااااااااااااااااااااااااااااااااااااار

هههههههههههههههههههههههههههههههههههههههههههههه
ههههههههههههههههههههههههههههههههههه


وربنا هموت من الضحك يخرب عقلك يا لولا

هههههههههههههههههههههههههههههههههههههههههههههههههههههههههههه

دايما متميزه يا قمر




ههههههههههههههههههههههههههههههههههههههههههههههههههه

بعد الشر عنك يا رب

هههههههههههههههههههههههههههههههههههه

يا رب تكون عجبتك ومستنيه باقى الرووووووووووووود

-------------------------------------------------------
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
حمادة المصرى
ღ♥ღعضو جديدღ♥ღ


نقاط : 2
التقييم : 0

مُساهمةموضوع: رد: تتجوزيني ؟   الجمعة أكتوبر 23, 2009 2:32 pm

يا ريت كل انى تقراء هذة الحكايه
الرجوع الى أعلى الصفحة اذهب الى الأسفل
lola
ღ♥ღ بـونـــبــونـايـه الــمــــنـــتــدى ღ♥ღ
ღ♥ღ بـونـــبــونـايـه الــمــــنـــتــدى ღ♥ღ
avatar

نقاط : 74
التقييم : 0

مُساهمةموضوع: رد: تتجوزيني ؟   الأحد أكتوبر 25, 2009 5:25 pm

حمادة المصرى كتب:
يا ريت كل انى تقراء هذة الحكايه

تسلم يا حماده على المرور وفى انتظار تفاعلك

-------------------------------------------------------
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
رسول العاشقين
ღ♥ღعضو جديدღ♥ღ


نقاط : 5
التقييم : 0

مُساهمةموضوع: رد: تتجوزيني ؟   الإثنين أكتوبر 26, 2009 3:18 pm

والله لخصت سبب العنوسه وصعوبة الزواج ببلادنا العربيه

مشكووووووووووووووووووووووووووووووووووووووووووووووووووووووووووووور
الرجوع الى أعلى الصفحة اذهب الى الأسفل
lola
ღ♥ღ بـونـــبــونـايـه الــمــــنـــتــدى ღ♥ღ
ღ♥ღ بـونـــبــونـايـه الــمــــنـــتــدى ღ♥ღ
avatar

نقاط : 74
التقييم : 0

مُساهمةموضوع: رد: تتجوزيني ؟   الإثنين أكتوبر 26, 2009 5:50 pm

رسول العاشقين كتب:
والله لخصت سبب العنوسه وصعوبة الزواج ببلادنا العربيه

مشكووووووووووووووووووووووووووووووووووووووووووووووووووووووووووووور



ههههههههههههههههههههههههه

تقريبا كده ميرسي جدا على ردك وفى انتظار تفاعلك

-------------------------------------------------------
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
ملكة الاحساس
ღ♥ღ مــشــرفـه عـــامة مـمـيـزة ღ♥ღ
ღ♥ღ مــشــرفـه عـــامة مـمـيـزة ღ♥ღ
avatar

نقاط : 366
التقييم : 10

مُساهمةموضوع: رد: تتجوزيني ؟   الأحد مارس 14, 2010 7:15 pm

هههههههههههههههههه

شكرا
الرجوع الى أعلى الصفحة اذهب الى الأسفل
ملكة الاحساس
ღ♥ღ مــشــرفـه عـــامة مـمـيـزة ღ♥ღ
ღ♥ღ مــشــرفـه عـــامة مـمـيـزة ღ♥ღ
avatar

نقاط : 366
التقييم : 10

مُساهمةموضوع: رد: تتجوزيني ؟   الأحد مارس 14, 2010 7:15 pm

هههههههههههههههههه

شكرا
الرجوع الى أعلى الصفحة اذهب الى الأسفل
النمر المقنع
ღ♥ღمشرف عام مميزღ♥ღ
ღ♥ღمشرف عام مميزღ♥ღ
avatar

الاوسمه :
نقاط : 266
التقييم : 0

مُساهمةموضوع: رد: تتجوزيني ؟   الخميس يوليو 15, 2010 5:11 pm

ههههههههههههههههههههههههههههههههههههههههههههههههههه
الرجوع الى أعلى الصفحة اذهب الى الأسفل
 
تتجوزيني ؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
m a g i c s i t e :: :: المنتديات الترفيهيه :: :: منتدي الضحك والفرفشة-
انتقل الى: